गोपाल हमाल विवेकशील साझा पार्टीमा, प्रदेश संयोजकको जिम्मेवारी

२८ साउन, कैलाली । ‘सुन्दर सुदूरपश्चिम’का अभियन्ता गोपाल हमाल विवेकशील साझा पार्टीमा प्रवेश गरेका छन् । उनलाई प्रदेश ७ संयोजकको जिम्मेवारी दिइएको छ ।

हालै सम्पन्न स्थानीय चुनावमा हमाल धनगढी उपमहानगरमा मेयरमा उम्मेदवमर बनेका थिए । स्वतन्त्र उम्मेदवार हमाल मेयरमा विजयी नृप वडका निकटतम प्रतिद्वन्द्वी रहे ।

शनिबार धनगढीमा भएको विवेकशील साझा पार्टीको भेलाले हमाललाई प्रदेश ७ को संयोजक चयन गरेको छ । पार्टीका सहसंयोजक रविन्द्र मिश्रले हमाललाई प्रदेश संयोजक बनाउने प्रस्ताव राखेका थिए, जसलाई उपस्थितले सहमति जनाएका छन् ।

प्रकाशित : साउन २८ शनिवार-२०७४ 

सम्पर्क

© 2017 स्वदेश नेपाल

Designed by appharoo